Т.САЙХАН

Ерөнхий сайд Г.Занданшатар ШХАБ-ын гишүүн орнуудын Засгийн газрын тэргүүн нарын зөвлөлийн өргөтгөсөн хуралдаанд ажиглагчаар оролцоно. Жил бүр уламжлал болгон зохион байгуулагддаг тус хурал энэ жил ОХУ-ын нийслэл Москва хотноо өнөөдөр эхэлж байна.  Энэ хуралдаанд Монгол Улсыг төлөөлж Ерөнхий сайд Г.Занданшатартай хамт Зам, тээврийн сайд Б.Дэлгэрсайхан, Сангийн сайд Б.Жавхлан, Шадар сайд Х.Ганхуяг, Аж үйлдвэр, эрдэс баялгийн сайд Г.Дамдинням нар оролцох юм. 

Уулзалтаар Оросын тал Москва–Бээжингийн түншлэл болон гишүүн орнуудын эдийн засгийн хамтын ажиллагааг бэхжүүлэхэд анхаарлаа төвлөрүүлж байна. Уулзалтын гол сэдэв нь эдийн засгийн хамтын ажиллагаа бөгөөд худалдааны хамтын ажиллагааны замын зураглал, эрчим хүч, хөрөнгө оруулалт, төлбөр тооцооны механизм зэрэг асуудлуудыг хэлэлцэнэ.  ШХАБ-ын гишүүн 10 орноос гадна ажиглагч улс орнуудын Засгийн газрын тэргүүнүүд тус хуралд оролцдог. Манай улс ШХАБ-т ажиглагч улсын статустай байна. 

Эх сурвалж:www.polit.mn