Хэл ам хэрүүл тэмцлээрээ улаан хөлтнийг  урдуураа гаргадаггүй "Буян Жагааг" бурхан шиг шүтдэг залуу байна гэвэл та итгэх үү. Тэр бол “Ноён IZ” буюу Г.Ирээдүй юм. Хоёр жил гарны өмнө нэгэн хэлэлцүүлэгт тааралдаад ам зөрөн, чи би дээ тулаад байсан IZ -г, чи наад сэвстэй гүзээнээсээ сал гэж загнасан нь түүний амьдралыг 360 градус эргүүлжээ. Нүүрсний жагсаалын үеэр өлсгөлөн зарлана гэсэн. Чи өлсгөлөн зарлавал яг таарна шдээ зэрэг хатуу үгийг хайр найргүй хэлж байв. Заримдаа ч үнэн үг хатуу тусч, сайнаар болон саараар нөлөөлдөг тал бий.  

Тэгвэл Г.Ирээдүйн  хувьд эерэгээр нөлөөлж, 2 жилийн дотор 40 гаран кг турж эрүүл залуухан биеэ эргүүлэн авчирчээ. Сошиал медиа, онлайн спорт тааврын ажил эрхэлж, тэрбум тэрбумаар нь мөнгө олдог гэх тэрээр тансаг зэрэглэлийн машин, дансан дахь мөнгөөрөө олон жил гайхуулж ирсэн. Харин өнөөдөр эрүүл чийрэг биеэрээ гайхуулан,  “Эрийг нас биш илүүдэл жин дардаг юм байна”, “Охиноо бүдүүн аавтай байлгамааргүй байна гэх зэргээр залууст үлгэр дууриалал үзүүлж явна.