Агаарын иогийг хүн бүр хийх боломжтой йогийн төрөл гэдгийг таниулж Монголдоо амжилттай  нутагшуулсан “Ари Йог” студиог “Ododnews” онцолж байна. 9 жилийн хугацаанд тус студи болон Монголын Агаарын иогийн холбоо ТББ нь 100 гаруй мэргэжлийн багш бэлтгэж Улаанбаатар хот болон 21 аймагт агаарын иогууд нээгдэж маш олон хүнд иогийн гайхамшгийг хүргэсэн. Харин одоо оюуны өмчөөр баталгаажсан шинэ хөтөлбөртэй, шинэ төхөөрөмжтэй "Ари иог" ангиа нээхэд бэлэн болжээ. Энэхүү анги нь 11 сарын 28-нд анхны хичээлээ орно. Агаарын иог нь тайван төлөвтэй бол шинэхэн төрөл нь илүү булчинд төвлөрсөн агаарын фит дасгалуудтай байх аж. Бусад төрлийн дасгалууд булчин дээр илүү фокусладаг бол, энэхүү төхөөрөмжтэй дасгал нь булчин болон дотоод шүүрлийн булчирхайнуудыг идэвхтэй ажиллуулдаг учир адреналин сайн ялгаруулдгаараа онцлогтой байх аж. 30-50 удаа хийдэг энгийн дасгалыг агаарт 10 удаа хийхэд адилхан үр дүн өгдөг гэхээр энэхүү иог нь давуу тал ихтэй. Айл болгонд аарцаг нурууны асуудалтай хүн байгаа энэ цаг үед огт дасгал хийж байгаагүй ямар ч хүн энэхүү хөтөлбөрт хамрагдах боломжтой. Дасгалын урсгал системийг гаргахдаа огт дасгал хийж байгаагүй болон, төрсөн ээж, Фитнесийн тамирчин, нурууны асуудалтай гээд нас насны олон хүмүүс дээр туршсан дасгалууд амжилттай үр дүнгүүд гаргажээ. Олон жилийн дадлага туршлага дээр үндэслэн хөдөлгөөн бүр нь гарсан, оюуны өмчит “Ари Иог” хөтөлбөрийг Өмнөд Африк, Тайланд, Тайвань, Солонгост мэргэжил дээшлүүлсэн мэргэжлийн багш  болон албан ёсоор бэлтгэгдсэн мэргэжлийн багш нар заах юм байна.