Улсын  драмын эрдмийн театрын урдаа барьдаг жүжигчдийн нэг жүжигчин Д.Мөнх-Одыг “Ододньюс”  онцолж байна. Хүүхэд байхын л дуулж жүжиглэх сонирхолтой  байсан  тэрээр СУИС-ын хөгжимт драмын ангийн анхны төгсөгч. Жүжигчин Э.Ууганаа Б.Одбаяр Д. Пүрэвсүрэн Г.Отгонцэцэг нартай нэг ангийн найзууд гээд сургуульдаа л авьяас чадвараараа гайхуулж байсан түүх тэднийх. Эсрэг талын дүрийг гаргууд  сайн гаргадаг тэрбээр театрынхаа тайзан дээр огшиж, омогшиж, амьдарснаасаа хойш “Би энд л байх ёстой юм байна гэдгээ хамгийн их  мэдэрч байгаа гэсэн.

Театрын  урлаг  хэрхэн хөгжиж байгаагаар нь тухайн улсын нийгэм ард түмний амьдрал, хөгжил харагддаг гэдэг. Ямартаа ч нийгэм маань хөгжиж гэрэл гэгээтэй болж байгаа гэж ярих жүжигчин Д.Мөнх-Од саяхан нээлтээ хийсэн “Үгүйлэгдсэн хайр” жүжгийн гол дүр  Базарын дүрийг бүтээгээд байгаа аж. Огцом ууртай, уурандаа захирагдахаараа хязгаараа давдаг характерны дүрийг гаргах гэж би их хичээсэн. Урд нь АЖ Л.Жамсранжав агсан, МУГЖ Г.Амгаланбаатар нар Базарын дүрд тоглож байсан учир маш их эмээлттэй байсан. Монголчууд бие  биедээ хайраа түгээдэг,  нэгнээ дэмждэг, хамгийн өгөөмөр тусархуу сайхан чанартай хүмүүс.  Хүнийг хүн шиг байлгадаг зүйл бол ганцхан бие биенээ хайрлах хайр юм шүү гэдгийг жүжгээрээ хүргэхийг хүссэн гэв.

Дашрамд дурдахад: “Үгүйлэгдсэн хайр” уянгын драмын жүжиг Улсын драмын эрдмийн театрын тайзнаа дөрөв дэх удаагаа тоглогдож байгаа төдийгүй энэ сарын 23 -ыг хүртэл тоглохоор болжээ.