Aлдар, суу билэгт 100 эрхэмийг дэлгэцэнд мөнхлөн, түүх  бүтээх зорилготой хийгдсэн “Монгол тулгатны 100 эрхэм” нэвтрүүлэг үргэлжлэхээр болжээ. Гарсан даруйдаа л үзэлтээрээ тэргүүлж, бас шуугиулж байсан тус нэвтрүүлэг 60 гаруй дугаарын дараа зогссон. Уран бүтээлээс илүү, улстөрийг хөшигний ардаас найруулж,  ерөнхийлөгч ерөнхий сайдгүй базан, жаалж явсан Баатар найруулагчийг  ард түмэн саяхан байранд нь тавьсан.  Засаг төр унахтай зэрэгцэн, завтай болсон найруулагч маань уран бүтээлийн  замдаа ханцуй  шамлан орж байгаа гэнэ. Учир юу гэвэл “Монгол тулгатны 100” эрхэмээ эхлэхээр хөтлөгч П.Анужин Ч.Содбилэг  нарт санал тавиад байгаа сурагтай. Сонгуулийн үеэр Зориг агсаны эхнэрээс ярилцлага аван шуугиулаад амжсан залуу тус нэвтрүүлгийн эрэгтэй хөтлөгчөөр ажиллахаар болжээ. Улс орныг л бужигнуулахгүй бол уран бүтээл талдаа түүний өмнө гишгэх найруулагч байхгүй. Чаддаг чаддаг юмаа л хиймээр байна.