Aмерикийн хип хопын ертөнцийн домогт од Fat Joe Монголд анх удаа ирж тоглох гэж байна. Тэрбээр энэ сарын 20-нд Төв Цэнгэлдэх хүрээлэнд болох “Zone X Music Concert”-ийн гол тайзан дээр цагийн турш үзэгчдийг доргиох юм.

Fat Joe нь 30 жилийн турш хип хопын тайзнаа тэргүүлж, өөрийн Terror Squad лейблээр дамжуулан Big Pun, Remy Ma, DJ Khaled зэрэг дэлхийд танигдсан уран бүтээлчдийг гаргаж ирсэнээрээ алдартай. 

Түүний хөгжмийн өнгө аяс нь хуучны old school болон орчин үеийн new school хэмнэлийг чадварлаг хослуулдгаараа онцлог.

Карьерийн онцлох амжилтуудаас:

• 1993 онд “Flow Joe” дуугаараа Billboard чартын #1-т бичигдсэн

• 2004 онд “Lean Back” бүтээлээрээ дахин Billboard чартын оройг эзэлсэн

• 2017 онд “All The Way Up” хит дуу нь Грэмми-д нэр дэвшсэн

Өдгөө ч тэр дэлхийн томоохон цэнгэлдэхүүдийг дүүргэн тоглосоор байгаа бөгөөд Монголын үзэгчдэд өөрийн эрч хүчтэй шоугаа анх удаа толилуулна.